رئيس مجلس الإدارة : ياســـر رزق       رئيس التحرير : طارق الطاهر
البريد

‮ ‬حلوة


شعر‮: ‬مظهر علام
3/18/2017 10:50:05 AM

حلوة‮ ‬
والعيال بتلعب علي شطك‮ ‬
حلوة‮ ‬
وانتي ماشية ف طريقك‮ ‬
وعارفة فين خطك‮ ‬
يبدأ من هناااااك‮  ‬وريدك‮ ‬
نسمع‮ ‬غنااا‮  ‬عيدك‮ ‬
ساقي الباقي من وردك‮ ‬
سامع بين الضلوع نبضك‮ ‬
ساعية بين الشموس‮ ‬
وكإنك أجمل عروس‮ ‬
وكل البلاد أرضك‮ ‬
الوشوش فيكي محتارة
اللي خايف من سياطك
واللي خي تحت باطك‮ ‬
واللي واقع ف عرضك‮ ‬
كنت واقف ع الحدود‮ ‬
واقف جنبي السلاح‮ ‬
30‮ ‬طلقة بارود‮ ‬
والأرض شاكية بالجراح‮ ‬
حكالي عن كل اللي شاله‮ ‬
واللي كتبه‮ ‬
واللي سمعه‮ ‬
واللي قاله‮ ‬
واللي شايل‮  ‬جواه عياله‮ ‬
ساعات‮ ‬يغني‮  ‬بعلو صوته‮ ‬
ولما‮ ‬يلعن لحظات سكوته‮ ‬
يقول عدوك لما داسك‮ ‬
شاف لحظتها اللي شايله‮  ‬
حط إيده مكان رصاصة‮ ‬
وقال لحظتها لزمايله‮ ‬
شوفتوا عمايل أهل النقاصه‮ ‬
لما‮ ‬يدوسوا ارضك‮ ‬
لما‮ ‬ينتهكوا عرضك‮ ‬
بص ف التراب من سكات‮ ‬
ساعتها حسينا‮  ‬انه‮  ‬مات‮ ‬
و ف ميلته الأخيرة‮ .... ‬باسك‮ ‬
حامي ارضك‮ ‬
حامي عرضك‮ ‬
حامي ناسك‮ ‬
شكر البطل‮    ‬ربه‮ ‬
انه‮  ‬مات عشان وطن حبه‮ ‬
‮ ‬يا بلادي‮  ‬الولد ودي فرضك‮ ‬
وانتي حلوة
والعيال بتلعب‮  ‬علي شطك
‮ ‬عزبة سالم‮- ‬البداري

تعليقات القرّاء