رئيس مجلس الإدارة : ياســـر رزق       رئيس التحرير : طارق الطاهر
البريد

أيقونات التواصل تختزل مشاعرنا في رسوم: دعوة للعودة إلي «قعدة الطبلية» !


8/12/2017 9:59:21 AM

ملعونة دي لحظة اتجمدت فيها مشاعرنا، ملعونة دي »أيقونات مشاعر»‬ جمدت ملامحنا, حروف بنكتبها أخرست صوتنا، مواقع تواصل اجتماعي موتت وجودنا وسط الأهالي، ملعونة دي »‬مجموعات» فيسبوكية اللي نستنا قعدة الطبلية، قعدة نحكي فيها سوا مشاكلنا وعيوننا بتتكلم وروحنا معانا حاضرة، والأب يناقش أخطاءنا. ويشرح لنا محاضرة, ملعونة الـ »‬كومنتس» اللي تكتبها وكإن البوست قائم علشان بس نهاجم، ملعونة الـ »‬رسايل» اللي بيها بتتساهل وبتسأل علي صاحبك وكإنه ولا يستاهل، الرسالة اللي لغت شخصية التليفون بحجة »‬معلش مشغول». سألنا علي الماسنجر, ومكناش نعرف أنه هيخلي حياتنا حجر وينسينا ذكرياتنا، ولو أذيت مشاعر الناس يعملولك بلوك، فترفعوا شعار البعاد والهجر.
 سبت الفيس بوك وكتبت تغاريدك علي تويتر، وزودت عدد الـ»‬الفلووارز»، واهتميت بالهاشتاج فيتلخص فيه الكلام وكإنه »‬تاج». ومن موقع لموقع ومن مكان لمكان ولو جتلك فرصه سفر كمان ياسلااام هتحلي الأيام!! نسينا توابل حياتنا الاجتماعية اللي بتدي طعم لحياتنا العملية، ومعاهم نسينا الصحبجية والإنسانية، يمكن كنا ف البداية بنلوم ونعاتب، بس مع الوقت اكتشفنا إنه مفيش نتيجة إلا المتاعب، يمكن رخص السؤال عنهم، ويمكن لهفة قلوبنا عليهم ماتت فراح معاها شوقنا ليهم !!ملعونة دي وسائل بعدتنا عن مسائل مهمة في حياتنا الشخصية، متيجو نتربع ونقعد علي الطبلية من تاني، وندوق حلاوة وبساطة  الدنيا مع الأهالي.   
مروة حسيب
٦ أكتوبر

تعليقات القرّاء