رئيس مجلس الإدارة : ياســـر رزق       رئيس التحرير : طارق الطاهر
البريد

مغرور


جمعة يوسف
3/17/2018 3:10:29 PM

اوعي تتغري بجمالك
الجمال ملهوش حدود
يلي بتسوقي في دلالك
الدلال مالي الوجود
انتي دلعك زاد شوية
ما انتي آخر العنقود
وانا بعزك وودك
خايف ييجي يوم واصدك
عمري انا ما كنت ضدك
وانت بتبني في السدود
يلي دايما توعديني
ولا توفي بالوعود
هييجي يوم وتخسريني
بعد ما زرعنا الورود
التواضع يا حبيبتي
هو راس مالي وحيلتي
كوني متواضعة وخجولة
تكبري في نظري وعيلتي
لو في يوم قلتي يا سيدي
انا راح أقولك يا ستي
أحلي حاجة الاحترام
في الكلام وفي الردود
اوعي تتغري بجمالك
الجمال ملهوش حدود
يلي بتسوقي في دلالك
الدلال مالي الوجود
فكري بقلبك وعقلك
مش كل حاجة العواطف
الجمال من غير عقل
ربنا منه يلاطف
قادر يشعلها نيران
أو يقومها عواصف
الجمال اصله فتنة
لو مكنش عليه قيود
اوعي تتغري بجمال
الجمال ملهوش حدود
يلي بتسوقي في دلالك
الدلال مالي الوجود