رئيس مجلس الإدارة : ياســـر رزق       رئيس التحرير : طارق الطاهر
البريد

مش ذنبي


3/17/2018 3:11:18 PM

مش ذنبي اني مش شاعر
معرفش أقول بالوزن والقافية
باكون ع البعد مش قادر
وأشوفك اقول وحشاني بالعافية
واعمل نفسي مش فاكر كلام قلناه
وأنا حافظة كغنوة للعندليب دافية
وبعمل في الغرام شاطر
واطمن فيكي لو خايفة
ويا ما اتمنيت أكون لك رامي ولا نزار
أقول واكتب وارسم م النجوم أشعار
واداري كسوفي مع خوفي
وفي عيونك أكون بحار
وأعمل للغرام طايفة
واغزل من حروف اسمك 200 موال
ولو هافضل سنين العمر اقول فيكي
يدوب هاكمل العنوان
يا طاقة نور في ليلة قدر ليا تبان
يا حلم العمر انا المسجون
وبعشق خطوة السجان
لكن قولي لي أعمل ايه
لا انا شاعر ولا فنان
ولا يوصف غرامي كلام
ولا تقدر بحور الشعر
فيكي يوم تكون كافيه
ومش ذنبي