رئيس مجلس الإدارة : ياســـر رزق       رئيس التحرير : طارق الطاهر
ساحة الإبداع

تنسي إيه


مينا جميل
12/21/2018 2:09:51 PM

تنسي إيه
تنسي صوتها
ولا ضمة ايدها ليك
ولا نظرتها ل عنيك
ولا خوفها وصوت كسوفها
تنسي بيت بيضم فيك
ولا لمستها لإيديك
ولا دمعتها لفراقك
ولا نارك واشتياقك
تنسي إيه..
وكل كلمه كتبتها.. مكتوبه ليها
كل الشوارع راسمه فيك الذكريات
ورسمت كل العمر بيها
ازاي ف لحظه يتمحي كل اللي فات
تنسي إيه !!
وانت اللي عايش كل عمرك تفتكرها
قلبك مايصلحش إلا ليها..ممنوع لغيرها
مرسوم عليه أصلا عنيها
م تكونشي قولت انك هتنسي!؟.. وبتسايرها !!
تنسي مين .. طب هي أصلاً تتنسي!! ؟
دي كل تفصيله ف حياتك..هي فيها
لو تغيب عنك للحظه بتناديها
وقت نومك جوه حلمك بتلاقيها
تنسي أنفاسها اللي كانت جزء منك
هي دي اللي بتنسي فيها كل حاجه
حتي سنك
هي دي اللي بحضن منها
ترضي كل الدنيا عنك
هي روحك هي شعرك
هي عمرك هي فنك
تنسي حد بيحضنك ..وقت الدموع
تتسي حد بيرسم الفرحه ف طريقك
ف الضلمه بيقيدلك شموع
تنسي فرحتها بنجاحك..
لو بتضعف هي بتكونلك سلاحك
هي بتقويك كتييير ..وبحنانها عليك تغير
تنسي مين! ؟
تنسي سندك تنسي حلم حلمت بيه
تنسي حد بيتسند حلمك عليه
تنسي إيه.. لو هتنسي يبقي قلبك
الف إخص قليلين أصلاً عليه.