رئيس مجلس الإدارة : ياســـر رزق       رئيس التحرير : طارق الطاهر
ساحة الإبداع

نظرة مجروحة


نادية الإسناوي
2/9/2019 12:11:32 PM

الكل شاف في الجية والروحة
نظرة عيوني وهي مجروحة
عمالة اطبطب عالسما يمكن
ترحم مشاعري وهي مدبوحة
كل الالم ممكن لو اتحمل
هايعدي لحظة ضحكة البساتين
ينهج طموحي وهو بيكمل
عطش الليالي وحوجة المساكين
علي قد صبري ع  الحياة والناس
علي قد وجعي علي اللي بيفارق
عن كل واحد مد في ادينه
عن كل حد ف عمري كان فارق
كل الحبايب فارقوا متواعدين
علي قد وجعي بعتمد افرح
علي قد فرحي بلقي دمع العين
مش عارفة معني اني ارتجل صمتي
أو اني اسكت حتي ما اتكلمش
مش كل دمع بيحرق الخدين
انا دمعي حرق الخد جرح الرمش
مش بس قصة مابينكوا  وجعتني
انا اللي واجعني منكوا.. قول معلش.